Vangin er føroysk loysn, sum savnar tænastur á einum stað og ger tað lættari, skjótari og tryggari at avgreiða egin viðurskifti talgilt. Postkassin Mínboks er partur av Vanganum.
Vangin er persónligur. Tú ritar inn á Vangan við Samleikanum.
Á Vanganum hevur tú
- Innlit í persónliga skrásettar dátur
- Persónligan kalendara, sum vísir avtalur og freistir
- Møguleika fyri at senda inn umsóknir til ymisku tænastuveitararnar
- Trygt samskifti umvegis Mínboks
Vangin er við øðrum orðum ein miðdepil, har tú hevur yvirlit yvir persónlig viðurskifti.
Allir tænastuveitarar á Vanganum hava hvør sína síðu, og tú veist altíð, hvønn tú samskiftir við. Tænastuveitararnir hava nógvar sjálvgreiðslur, sum tú kanst brúka á Vanganum.
Tá ið tú brúkar sjálvgreiðslur til at senda umsókn ella annað, fært tú eitt avrit av umsóknini í Mínboks sum kvittan.
Vangin fæst sum app, men er eisini atkomiligur á vangin.fo
Tú kanst fáa meira kunning og vegleiðingar á vangin.fo. Her sært tú eisini, hvørjir tænastuveitarar eru umboðaðir á Vanganum.
Ring 1881 um tær tørvar hjálp við Vanganum ella Samleikanum at rita inn.
Tað er lætt at byrja at brúka Vangan. Tú ritar inn við Samleikanum og síðan er klárt at brúka tænasturnar.
Vangin er partur av Talgildu Føroyum.